" My Freinds , في عيوني صوت ، Say to me ..: I will save you !
From The fair .. بعالي الصّوت .. I Have to sing about you "
البارت الأوّل :
(1)
أرفع شعار الأخوّة وأبتدي بالحرف الوافي إلي بقلبي على لساني ..
وإبتدأ العصر الجديد بالمحبّه بالإخوّة نلتزم في أرض الواقع إلي يجفاك وإلي يجفاني ..
يهمّني دام مقصد الحرف الشريف إنّي أبروز صحبتكم بكلمة ذوق وأغنّي أغاني ..
وش أجمل من الصّحبه إلي تتملّكها في حياتك ، في مجلّد ذكرياتك ..
تقلّب بأوراق الزّمن ، وتشوفه بيوم إندفن ، على قد ماتقدر تذكر يوم إنّك نسيت الحزن !!
إن بغيت أشكي مالي إلا إنتوا ، فيه باخذ وإنتوا جبتوا !
والوقت أصبح من فضّه وصحبتكم هيّ الذهب .. وعمري الباقي فيه كم نبضه وجلستكم بيض السُّحب !
إذا جيت بوصف كل واحد فيكم مدري كيف أبتدي ..
لأنّكم عملة نادرة في هالزّمن والصّحبه ماتُبدّل بالمال .. وحُسن الطباع والعشم فيكم رجال .. والكورس ياصُحبتي لازم إنه ينقال ..
(2)
الإنسان كتلة من خواطر ، فيها يعبّر عابر .. نتقاسمها نفرّج عنها بإلّي فيها ..
لا أتعبني همّ وغمّ وجيتك شايل كمّ وكمّ من جروح ..
فيها أروّح عن إلّي فيني وتبادلني عن شعوري يوم أجيك وأقول لك إنّ الضيقه ذابحه صدري .. وإنت إدرى بإلّي أدري ..
الخير وكُل الخير إنتم وش بيجيني منكم غير ثقتي فيكم كل يوم تزداد !
ويوم أعدد صحبتي وأنوي أذكر كل واحد منكم راح يخلّص التعداد !
رُبّ أخٍ لك لم تلده أمّك ، من شتات الوقت يلمّك ..
يابعد راسي وعيني ولبّى قلوبكم ياجماعه ..
إن قصّرنا بحقّ أي منكم ومارفعنا له من فتره سمّاعه ..
مكانكم بالعين وقبل العين القلب وقبل القلب مكان ..
صففت لكم كلمتين أذكركم فيها مع تعدد الأزمان ..
صحبتكم حجر الأساس ، والراب تفسير تعبير لكلامي يُعتبر مقياس !
(3)
Short R&B
في عيوني صوت ، يتكلّم وأنا أسمع ..
يابعد راسي وعيني وهوى حرفي تجمّع ..
الله لا يحرمنا منكم .. في عيوني صوت يتكلّم وأنا أسمع !
.
السبت فبراير 28, 2009 11:22 pm
